БККС ги посети бугарските воени гробишта во Ново Село, Струмичко

7 ноември 2009

На Архангелова задушница, претседателот и членови на Бугарскиот културен клуб - Скопје ги посетија возобновените бугарските воени гробишта во Ново село, Струмичко, каде што се погребани 71 војници од Втората тројанска и Единаесетата македонска дивизија, загинати за време на Балканската, Меѓусојузничката и Првата светска војна. Петнаесет од погребаните војници се од села и градови од денешна Република Македонија, од кои двајца од Ново село. Тројца од погребаните војници се од Беломорска Македонија. На панихидата, на која богослужеше свештеник, присуствуваа и г-н Божидар Димитров, министер без портфејл во правителството на Република Бугарија, г-н Ангел Ангелов, Charge D'Affaires Ad Interim на амбасадата на Република Бугарија во Република Македонија, г-н Димитар Христов, Директор на Културно-информациониот центар на Република Бугарија во Република Македонија и други. [види галерија]